ORANJESTAD (AAN): Tabata Diasabra atardi pa 2:50 pm, cu yamada a drenta na Polis, cu supuestamente droga a spula na costa un tiki panort di e hutnan di Kite Surfers na costa pariba di e isla.
Ora cu Polis a yega, agentenan a bay cana na pia a lo largo di e costa pero no a topa cu nada.
Ora cu a cu nan a yega na e prome hut pazuid di un hut cu ta verf color blauw geel, Polis a bin topa cu bulto preto di plastico, conteniendo 11 paki rectangular aden. E contenido aki ta parce di ta droga. E bulto mes ya tabata habri.
Central di Polis a duna ordo pa confisca e bulto y e paketenan, y a pone nan hiba nan na Seccion di Crimen Organiza (UGC) di Cuerpo Policial.
E unidad Policial a sigui busca mas a lo largo di costa, pero a topa nada mas di bulto.
Recien DIARIO a raporta di e hecho cu den prome siman di Maart, un boto di narcotraficantenan pata-pata cu droga aden, lo a sink mey-mey di e costanan di Venezuela y Aruba. Monton di e bultonan aki cu droga aden.
