Polis di Aruba a bay Abu Dhabi pa curso di liderato

ORANJESTAD (AAN): Cuerpo Policial di Aruba ta traha continuamente riba mehora, drecha, construi y fortifica nos networking y relacionnan.

Tanto regional como internacionalmente, nos ta presente y nos ta inverti den conocimento y cooperacion.

   Recientemente agente policial Alvin Leonard a sali di Aruba pa bay Abu Dhabi, na Emiratonan Arabe Uni pa sigui un curso internacional di liderato pa 6 luna. Despues di bon experencia aña pasa, esaki ta e di 2 aña cu KPA ta manda un colega pa e cu e curso aki.

   Altocomisario Arnhem conhuntamente cu señora Richardson hefe di departamento di K9-Unit y demas coleganan a bay aeropuerto internacional Reina Beatrix pa despedi pero tambe duna sosten na Leonard pa su viahe y curso.  Cuerpo Policial ta desea nan oficial Leonard, hopi exito y inspiracion durante su e curso.