Dos persona herida den accidente cu brommer na Wayaca

ORANJESTAD (AAN): Diasabra anochi polis a dirigi na e area panort di Arubus na Wayaca, unda tabatin un accidente cu brommer.

            Ora polis yega, nan a topa cu un grupo grandi di brommernan. Parce cu un homber y un muher ariba un brommer a perde control y a dal contra e muraya.

            Dos ambulans a yega rapido na e sitio y ambos persona a wordo transporta pa Hospitaal pa ricibi atencion medico mas avansa.

            Polisnan di trafico cu yega na e lugar a tuma tur dato necesario.