Cuerpo Policial a bisa ayo na recien fayeci oficial Glenn de Windt

ORANJESTAD (AAN): Tabata Diamars siman pasa, cu Cuerpo Policial a tuma despedida oficial di e oficial di Polis,

Glenn Frederick de Windt kende a fayece recien cu 58 aña di edad.

   Special pa esaki, na Centro di Husticia na Macuarima, oficialnan halto di Polis tabata presente ora cu e corteho funebre a yega cu escolta policial, cu e restonan mortal di Glenn de Windt pa asina ofrece ofrenda floral y despedi di dje.

   Oficialnan di Polis cu handschoen blanco bisti, den presencia di Halto Comisario Ramon Arnhem a ricibi famia dilanti Warda di Polis, y aki a ofrece un krans, y tambe a hiba palabranan pa famia.

   E potretnan aki ta pa cortesia di Cuerpo Policial.