Chauffeur lo a saca arma di candela pa otro Chauffeur

ORANJESTAD (AAN):  Diabierna den oranan di mainta a tuma luga un incidente di ''road rage' unda,

segun informacion, un chauffeur lo a saca su arma pa confronta otro chauffeur.

            E motibo di e discusion tabata un cuenta di dunamento di preferencia. Testigonan a informa cu e chauffeur cu a saca e arma a bay den un cura na Tanki Leendert, poco pazuid di Tur Dia Supermarket.

            Polis a wordo alerta inmediatamente despues di a ricibi e rapport di e incidente. Un operativo rapido a wordo poni den marcha y varios unidad di polis a mobilisa pa busca e chauffeur en cuestion, kende posiblemente tin e arma di candela.

            A pesar di e esfuersonan pa localisa e persona, no a logra topa cu e chauffeur.

            Comunidad ta worde pidi pa coopera cu informacion pa esforsa pa preveni situacionnan asina y pa mantene e seguridad di tur hende na e isla.