Caso di 'hit & run' na e rotonde di Balashi a laga dos persona ariba brommer herida

Testigonan a bati alarma na polis:

ORANJESTAD (AAN): Diadomingo marduga, polis y ambulance a bay atende un caso na e rotonde di Balashi riba Green Corridor unda a sosode un accidente di trafico, resultando na 2 persona herida.

            Na nan yegada, nan a ricibi informacion cu esaki tabata un caso di 'hit & run', caminda un auto aparentemente a dal contra un brommer cu tabata transportando dos persona.

            E paramediconan cu a yega na e sitio a brinda tratamento na ambos herido, despues di cual nan a wordo transporta pa Hospital pa mas observacion y cuido medico.

            Segun informacion inicial, otro automobilistanan a presencia e incidente y nan a alerta polis tocante e 'hit & run'. Polis ta conduciendo un investigacion pa identifica e auto cu a comete e acto y detene e persona responsabel.

            Cuerpo Policial ta haci un apelacion na tur persona cu por tin informacion relevante pa acudi y colabora den e investigacion pa esclarece e sucedido aki.