Polis tin camara instala riba ruta di carnaval

ORANJESTAD (AAN): Cuerpo di Polis ta anuncia cu Mobiele Commando ta completamente prepara pa maneha tur aspecto di e Paradanan di Carnaval,

cu a cuminsa diasabra cu e espectacular parada di Flambeu. Un medida importante pa asina mantene e seguridad y orden durante e celebracionnan ta e instalacion di camara riba e ruta di e paradanan.

            Cuerpo Policial ta indica cu nan ta mantene un vigilancia intensivo den tur skina, pa preveni y maneha situacionnan cu por surgi durante e eventonan di carnaval. Nan ta haci un fuerte apelacion na tur hende pa comporta nan mes y sigui ordo di polis durante e Paradanan di Carnaval.

            E presencia di camara ta un esfuerzo pa reforsa e seguridad pa tur asistente y pa asina evita cualkier situacion indesea durante Carnaval 70.

            Polis ta enfatisa cu nan ta na e sitio pa mantene orden publico y pa garantiza e seguridad di tur persona cu ta participa den e celebracionnan di carnaval.

Top of Form