Ya caba e prome 2 verkeersplateau na Palm Beach a keda cla

ORANJESTAD (AAN): Personal di DOW a traha rapidamente riba e caminda di Avenida Nelson Oduber na e cruzada peligroso na Palm Beach pa pone algun verkeersplateau.

   Dialuna anochi, nan a keda cla cu e prome 2 verkeersplateaunan na crusada di Palm Beach.

   Diamars anochi nan a construi 1 mas direccion Palm Beach.

   Segun DOW, pa otro siman dia 18 y 19 di October 2021, tambe den oranan di anochi nan lo construi e otro 2 verkeersplateaunan na e otro banda di caminda.

   Pues awe Diamars anochi por fabor chauffeurnan tin di pone atencion y baha velocidad ora ta yegando na e cruzada.

   Tambe lo bay duna beneficio di duda na e plan aki, sperando cu e lo bay elimina pa semper e accidentnan cu a bin ta socede na e cruzada aki.

   DOW a mustra cu e verkeersplateau aki lo ta ‘temporal’, te ora cu placa drenta pa por construi un mega rotonde na e lugar aki.  E potretnan aki pa cortesia di DOW Social Media.