Watertoren Oranjestad

Na 1933 Lands Water Voorzienings ( LWV) a cuminsa cu destilacion di awa na su planta na Balashi

y na mes un momento LWV a cuminsa cu e infrastructura di conexion di awa na e casnan.

Pa yuda e presion di awa den Oranjestad, LWV a laga traha un Water toren cu a keda inaugura dia 4 di November 1939.

E diseño di e watertoren aki tabata di Pieter van Stuivenberg.

E haltura di e watertoren aki ta di 40 meter halto di 25 m ariba nivel di lama. E capacidad di reserva di e watertoren ta di 400 meter cubico.

Desde aña 90 no ta yena e watertoren mas cu awa.

E parti abow tabata oficina pa diferente servicio di Gobierno.

Na 1996 a transpasa e edificio pa Monumentenfonds Aruba. Na 2011 a restaura e edificio di watertoren.

Foto: Monumentenfonds Aruba

Texto: Nos Historia Nos Herencia