Wardacosta mester a touw 'Slompo 4' cu tabata den problema riba lama

ORANJESTAD (AAN):   Diamars mainta Wardacosta a ricibi un notificacion di e boto 'Slompo 4' cu tabata tin problema cu motor riba lama.

E capitan a notifica cu su boto di piscado tabata tin problema y cu e no por a sigui nabega. E punto di sosten di Wardacosta na Aruba mesora a dirigi un patruya pa bay na localidad di e boto.

  Unabes cu a yega na e localidad di e boto banda di Commandeursbaai, e boto patruyero di Wardacosta a touw e boto cu dos persona abordo.  

  Wardacosta a hiba e boto na Pier di Commandeursbaai, caminda Slompo 4 por a mara cu seguridad.

  Wardacosta a avisa doñonan di boto pa haci mantencion regular na nan botonan.

  Pa nan propio seguridad abordo mester tin: suficiente chaleco salbabida, un flashlight cu bateria y un pito, un EHBO kit, suficiente awa, aparato pa paga candela, VHF marine radio of un celular ful carga.

   Evita e chens di un accidente of situacion peligroso riba lama cu bo boto of Waverunner