Valentina Merveille di Aruba a obtene titulo Miss Teen Model Universe 2026

Na Punta Cana

ORANJESTAD (AAN): Durante 1 siman modelonan di The Chaz Modeling & Talent school a participa na e Evento Internacional Agnes Universe. 

   E modelonan a participa den diferente actividad, entre otro, intercambio di cultura, photo shooting, fashion show, competencia di trahe fantasia y tambe prueba di Talento.

   Tur esaki a culmina riba diasabra ultimo caminda representantenan di Aruba a logra varios titulo.

Valentina Merveille a resulta ganador absoluto den su categoria Miss Teen Model Universe 2026 y Shydley Boekhoudt a sali first Runner up Baby Model Universe y Miho Talent Show. Allyzon Henriquez a resulta 2nd Runner up Pre Teen Model Universe. 

   Pabien na modelonan di The Chaz Modeling & Talent School pa nan tremendo trabao, dedicacion y disciplina pa por a logra asina bon trabao pa representa Aruba. Un pabien na mayornan pa apoya nan yiunan y tambe na tur sponsor, colaborador, costurero y tur cu a 'like y a comenta' riba nan social media.