Aruba tin 20 docente nobo cu a caba di gradua di IPA

ORANJESTAD (AAN): Recientemente Instituto Pedagogico Arubano a tene su ceremonia di graduacion di aña academico 2025-2026 cu a hiba e tema ‘A toast to the next chapter’. 

Esaki a tuma lugar den Ballroom di Hilton Aruba Caribbean Resort & Casino.

   Cu orguyo, IPA a anuncia e anochi aki, cu awor enseñansa riba e isla ta conta cu un grupo di 20 maestro cu lo reenforsa educacion na Aruba.

   DIARIO a compronde cu e graduadonan tin diferente specialisacion, entre otro, Maestro di Enseñansa Primario, Bachelor Nederlands als Vreemde Taal y Pedagogisch Didactisch Getuigschrift.

   Ministro di Enseñanza, Gerlien Croes tambe a dirigi palabra e anochi aki, felicitando e graduadonan cu a escoge un bunita carera pa yuda nos hobennan.

   IPA ta desea tur colega nobo un carera fructifero y exitoso. Nan ta spera cu Todopoderoso lo guia y duna boso sabiduria pa eherce e bunita profesion di maestro cu hopi amor y dedicacion.

   Pabien na tur graduado y un feliz vakantie na tur e maestronan y muchanan di Aruba.  Vakantie ta start awe Diamars 14 di Juli 2026.  Potretnan pa cortesia di IPA y tambe Ministerio di Enseñansa.