Ursell Arends aki ta traspasando su cartera di Transporte na Wendrick Cicilia

ORANJESTAD (AAN): Siman pasa a tuma lugar traspaso di Gobierno Wever-Croes pa Gobierno AVP Futuro.

   Ministro nobo pa Turismo, Transporte, y Labor ta bira mr. Wendrick Cicilia.  E cartera di transporte ta amplio, y ta encera maneho di aviacion (via Aruba Airport Authority NV), maneho di nabegacion (Aruba Ports Authority NV), Directie Luchtvaart, Directie Scheepvaart.

   Riba su prome dia di trabao, a topa cu e Ministro saliente, Ursell Arends, kende a entrega na dje tur cos cu tin di haber cu Transporte den e parti aki.  A papia riba trabaonan cu tabata canando y ta spera di lo sigui cana bao e titular nobo di Transporte.

   Tuma nota cu Ministro Wendrick Cicilia lo no atende Transporte Publico.  E cartera ey cu e.o. asunto di Arubus, y Departamento di Transporte Publico (DTP) cu ta atende casonan di Taxi, Autobus, etc., ta bay cay bao cartera di Ministro mr. drs. Arthur Dowers.