Mañan tin clausura y entrega di certificado:
*Organiza pa Exprodesk
ORANJESTAD (AAN) – Exprodesk a organiza un proyecto cu a cuminza na Maart y ta bay caba mañan, dia 1 di April entrega di certificado, door di Minister di Economia y Finanzas.
A trata aki di un serie di tayernan di trabao dedica na Hendenan muhe empodera y emprendedor di Aruba.
E evento a consisti di henter un luna di tayernan di trabao, charlanan, y duna nan e hermentnan cu nan por tin mester pa lanta nan negoshi, of si nan tin’e caba pa nan por mehor’e.
Asina señor Giacomo Pais, “Policy Advise” di Departamento di Asuntonan Economico, a duna di conoce den entrevista cu Matutino DIARIO.
E evento aki a consisti di un serie di tayernan di trabao duna pa profesionalnan di cada sector, p’asina trece e tools dilanti.
Dia 1 di April awo, minister lo entrega certificado na cada dama cu a participa den dos of tres tayer di e serie aki.
Giacomo a menciona cu tabata tin hopi interes pa e serie di tayernan aki, unda cada les tabata 'build up' riba e siguiente. A siña riba aspectonan manera: Con pa tuma decision financiero, 'Networking', 'Business Plan', entre otro. Un balor agrega ta cu un grupo a cera relacion cu otro, pues a ser conoci cu otro hendenan muhe, cu ta den diferente sector.
