Turistanan admirando Street Art pero tin di cana meymey di yerba y sushedad

ORANJESTAD (AAN): Desde cu diferente graffiti den forma di arte a wordo crea y decora tur rond di cayanan di San Nicolas,

e cantidad di turista cu awor ta bay pasa hopi rato largo Pariba di Brug pa bay admira nan tur, y esaki a wordo parcialmente impulsa door di articulonan cu a sali den varios publicacion rond mundo.

   Pa e turistanan admira e Street Art na San Nicolas, nan tin di djis para nan auto un caminda, y cana den tur e cayanan pa asina saca potret, of djis admira e trabao cu e artista a presenta riba muraya di lugarnan bieu of negoshinan actual.

   Sinembargo, e bista e dianan aki ta nada di gaba.  Turistanan tin di cana pa saca potret di Street Art, rondona pa monton di sushi y tambe yerba cu ta creciendo pa loco debi na e abundancia di awacero cu a cay na luna di December.

   Tur esaki ta reduci e experiencia di e turista ora di bay mira Street Art.  Y esey ta e motibo tambe pakico DIARIO ta spera cu esnan encarga cu cortamento di yerba lo pasa revisa e areanan aki na San Nicolas.