Trinticinco aña pasa Roly Bislik a landa di Venezuela pa Aruba

ORANJESTAD (AAN):  Awe dialuna, dia 7 di augustus, ta exactamente 35 aña pasa cu Roly Bisslik a logra su meta door di landa di Venezuela pa Aruba pa e logra traha un piscina olympico na Savaneta.

   El a sali di marduga for di Cabo San Roman, cu full un team di sosten.  Un boto nabegando su dilanti cu tabata lastra algun scuba-diver rond di dje cu speargun den nan poder, pa asina nan por stop cualkier atake di tribon.

   Varios yate procedente di Aruba a acompaña e atleta den su landamento, caminda cada tanto ora e tabata stop pa come cuminda mula specialmente diseña pa e hazaña aki.

   E plan tabata pa drenta finalmente na Savaneta unda tabatin full un evento grandi wardando riba dje.  Sinembargo e coriente fuerte di lama a keda pusha Roly bay mas pabao.  Finalmente den oranan di atardi el a drenta na Waf di Bacardi, unda multitud di hende a acudi pa aplaudi esaki.  Un hazaña cu a wordo graba y hasta transmiti pa henter Merca despues via di CNN.

   Riba e potretnan adhunto por mira algun imagen di e momento historico aki, cortesia di Sr. Dufy Kock, escritor y historiador arubiano.