ORANJESTAD (AAN): Recien a tuma luga e establecimento di e fundacion nobo yama “Klein Aruba”. Notaris Johnson a efectua e acto oficial.
E directiva ta consisti di Arthur Kelly como presidente, Jarissa Dubero como tesorero y Addonsito Croes como secretario.
E nomber “Klein Aruba” ta representa e pida baranca di 16 miyon aña di kalki situa na Boca Keto, Aruba. Hopi hende na Aruba conoce e pida isla chikito ey como ‘Moro’.
E meta principal ta stimula y promove Cultura, Deporte, Literatura, Educacion y Arte den nan aspecto general bou di e pueblo Arubano. E fundacion lo tin curso-, seminario-, congreso- y lecturanan pero tambe evento of actividadnan deportivo, carnavalesco y cultural.
Lo tin publicacion di buki-, revista- y demas materialnan educativo. Stichting Klein Aruba ta traha cu instancia- y organisacionnan na Aruba of di otro pais cu tin e mesun metanan.
Dia 30 di september 2023 ta tuma luga na Paseo Herencia, e prome evento oficial, cu ta un competencia di Trahe di Fantasia, organisa pa Stichting Klein Aruba. E potretnan aki pa cortesia di : Michael Salazar.
{gallery}Stichting Klein Aruba a wordo lanta pa promove Cultura, Deporte, Literatura, Educacion y Arte{/gallery}
