Team Hulandes cu a bay Haiti ta coordinando yudanza via varios otro pais tambe

ORANJESTAD (AAN): Con e barco di Defensa Hulandes ta logra haya tur cargamento di awa, cuminda, y remedi pa sali rumbo pa Haiti?

   No ta djis Hulanda a reacciona riba e peticion pa yudanza di Gobierno Haitiano, ta hayando sosten di entre otro Francia, Reino Uni, y Merca tambe.

   Cada biaha ta haya pregunta di instancianan Haitiano mes, como tambe organizacionnan di yudanza cu ta na Haiti, y otro paisnan.  Tambe Defensa Hulandes ta analisa unda nan por duna e mihor yudanza.

   Tur esey ta depende di loke tin necesidad urgente di dje.  Transporte a bira algo hopi importante, pasobra hopi caretera na Haiti no por worde usa mas, despues cu nan a keda destrui door di e teremoto.

   Ora cu tin di transporta hende, Defensa Hulandes ta haci uso di e Helicopter NH90 of e barco di Zr.Ms. Holland.  Si acaso tin di transporta hopi carga, e ora ta pone tanto e barco Zr.Ms. Holland of e speedboatnan tipo FRISC pa haci esaki.  Si acaso tin mester di informacion, e ora nan tin un forward moving team na Haiti caba.

   E siguiente preguntanan, tur ta depende fuertemente di e localidad unda nan ta:  Cua pais ta na e lugar di mas cerca pa cierto pregunta.  Te cu awor Hulanda a traha hunto cu Reino Uni, Francia y organizacionnan di yudanza manera UNOCHA, y International Red Cross.

   Den fin di siman mes, nan a transporta kit di cuminda for di un Cushina Grandi na un pueblo cu tin mester urgentemente di yudanza.  Un otro ehemplo ta e specialistanan medico Europeo, cu e team Hulandes a transporta tambe pa Union Europeo.

   Aki por mira con e team Hulandes ta uni pa asina na forma mas facil por hisa carga abordo, y tambe con nan ta para den forma di cadena pa asina baha transporte di botternan di awa.