Lo conmemora Dia Mundial di Salud Mental cu evento "Let's Art about Mental Health"

ORANJESTAD (AAN):  Dia 10 di October ta celebra Dia Mundial di Salud Mental y e aña aki e tema ta Salud Mental den un Mundo Desigual.

Durante un conferencia di prensa na Atelier 89 'Punto di beyas arte Aruba,

Miss Universo Aruba, Thessaly Zimmerman, a anuncia e colaboracion, cu e partnernan clave interesa den salud mental na Aruba, pa yuda organiza e Campaña Nacional di Concientisacion riba Salud Mental cu lo tuma lugar dia 23 di October  2021.

Den colaboracion cu diferente organizacion, a intercambia ideanan riba con pa presenta positivamente na comunidad e tema di e aña aki di salud mental den un mundo desigual.     

E meta ta empodera e personanan cu hermentnan cu ta promove y cu por haci cu e  atencion riba e salud mental por ta igualmente accesible pa tur, y asina a surgi e siguiente idea: un evento cu ta resalta e efectonan terapeutico di arte den e bienestar mental. Di eynan e nomber di e evento: "Let's Art about Mental Health".

E evento aki lo conta cu un serie di actividadnan, inclui seminario y tayernan unda e asistentenan lo tin e oportunidad di explora diverso forma di autoexpresion creativo.

E obhetivo ta pa tur  e interesadonan ​d​en salud mental por ta presente pa informa e comunidad di Aruba riba e recursonan local disponibel pa e atencion di e salud mental y hopi mas.

Pa haya mas informacion y actualizacion riba e evento aki por sigui e Facebook Page "Let's Art about Mental Health".

E organisacionnan cu a uni pa realisa e evento aki ta:  Atelier 89 'Punto di beyas arte Aruba, Fundacion Salud Mental Aruba Respaldo, Social Psychiatrische Dienst (SPD), Fundacion pa maneho di adiccion di Aruba (FMAA), Cosecha, Fundacion Anti Droga (FADA),  Fundacion Jordan Ling.

Y e  Plataformanan di salud:  AZV,  ImSan, IbiSa, Witgele kruis (WGK), Dr. Horacio Oduber Hospital (HOH),  SVb,  DVG y Dr. Sharlene Vis.