Screening special di documental nobo di Ida Does

ORANJESTAD (AAN); Den cuadro di e Masterclass Documentary Filmmaking pa Periodistanan,

Red Arubiano di Prensa Profesional (RAPP) lo organisa un screening special di e documental nobo di cineasta Ida Does, titula  Uma Memória Emplumada, sigui pa un Q&A modera pa Melissa Stamper (RAPP).
Entrada ta gratis y lo tuma lugar diabierna 28 november, 7or pa 9:30pm den e auditorium di Museo Arqueologico Nacional di Aruba na Schelpstraat 42.

Tocante e documental

Uma Memória Emplumada ta un pelicula poetico y politico cu ta sigui e artista y activista indigena brasileño Daiara Tukano. E documental ta revela con su mural den Mauritshuis (Den Haag) ta mezcla e pasado colonial cu resistencia spiritual di comunidadnan indigena di Amazonia.
Un parti central di e storia ta e regreso di e mantel sagrado Tupinambá for di Europa pa Brasil — un acto di restitucion y dignidad cultural. E pelicula ta mustra tambe con arte y museo ta redefini e manera cu historianan di comindad indígena y afrodescendiente a wordo conta.

Tocante Ida Does

Ida Does ta cineasta independiente y productor. Su trabao ta sinta den e crusada di arte, memoria y husticia social. Ela biba y traha pa hopi aña na Aruba, un periodo formativo na unda cu ela desaroya su stem creativo y a profundisa su comprondimento di cultura y historia Caribeño.

E screening ta forma parti di e Masterclass Documentary Filmmaking for Journalists cu RAPP ta organisa hunto cu dos experto internacional cu tin lazonan estrecho cu Aruba:

Ida Does, cineasta, cu lo duna un Masterclass riba Storytelling in filmmaking

Patricia Cronie , editora y periodista cu lo duna un Masterclass riba Editorial choices & audience focus in documentary filmmaking.

E masterclassnan lo tuma lugar na ATIA dia 29 y 30 di november, 9am–1pm. Pa mas informacion riba participacion den e masterclass por tuma contacto cu عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

RAPP ta invita pueblo general cu ta interesa  den historia y arte, pa bin y participa den e dialogo despues di e screening Uma Memória Emplumada.