Scol Basico Xander Bogaerts contento cu 2 frishider regalo di Kiwanis Club of Palm Beach

ORANJESTAD (AAN): Recientemente Scol Basico Xander Bogaerts na San Nicolas a demostra nan gratitud inmenso na e organizacion di Kiwanis Club of Palm Beach, cu a haci un donacion di dos frishider na e scol.

   Un frishider a bay pa Klas 2B, y e otro a bay pa Klas 6A.

   E studiantenan a skirbi cu nan ta contento cu e donacion, pasobra e sosten aki ta bay yuda haci un diferencia na  scol.  Danki na e contribucion aki, e studiantenan awor tin acceso diario na awa frieu y juice, cu ta algo hopi balioso den e clima calor aki.  E comfort simpel aki ta yuda mantene muchanan keda refresca, saludabel, y asina cu mas animo pa sigui les.

   Kiwanis Club of Palm Beach a gradici na nan turno na PriceSmart pa e entrega di e dos frishidernan aki.  Kiwanis ta contento cu e muchanan a keda hopi contento cu e regalonan aki, y por mira esey claramente riba e potretnan aki.