ORANJESTAD (AAN): Informacion for di estado di Massachusetts ta indica cu recien, e turista Kenneth Stuart MacAskill a fayece cu 90 aña di edad.
Su casa Dorothy a fayece 10 aña prome, y nan tabatin e tempo aya 58 aña casa.
El a crece y na final fayece na pueblo di Marblehead na Massachusetts. El a gradua di scol di Accounting y Finanzas, y tabata activo den US Coast Guard. El a biba despues na New York, y despues a bay biba bek na Massachusetts.
Kenneth tabata gusta viaha cu su casa pa Aruba, y a yega di hospeda na diferente Hotel. Durante su bishita na Aruba, e tabata busca forma pa goza den Casino hungando poker, y tabata bishita cocktail lounge unda e por a hunga wega di biyar.
Su entiero a tuma lugar Diabierna siman pasa na e santana Waterside Cemetery, na pueblo di Marblehead na Massachusetts.
