Prome studiante cu a haci examen di Pedagogisch Werker na Colegio EPI a haya bon puntuacion

ORANJESTAD (AAN): E tabata un logro fenomenal pa e studiante Wansito.

  El a bira e prome studiante na Colegio EPI cu a haci examen pa e opleiding di ‘Pedagogisch Werker’.  Su nomber lo keda marca den historia, pasobra el a haya dos punto di 10 pa su examen.

   Colegio EPI a indica cu nan ta hopi orguyoso di Wansito.  Tambe danki na cada un di e docentenan cu a duna les y guia studiantenan di Pedagogisch Werker.  Nan ta manda un extra danki na docente Richenne como ‘BPV Coordinator’, kende a prepara nan pa examen.  Tambe docente Kyla como examenfunctionaris pa e splicacion extenso pa cu examen, y docente Jocelyne como Examinator, y su mentor Rosanne.

   DIARIO ta felicita Wansito y nan tur.  Pasobra por a nota cu nan tur ta orguyoso di su logro.