Exitoso cena di examen culinario na Colegio EPI

ORANJESTAD (AAN): Diabierna anochi tabata un momento crucial pa alumnonan di Colegio EPI cu a organiza un cena como parti di nan Examen Culinario.

   Y esnan cu a wordo invita pa e comemento, a keda sumamente impresiona.  Uno di nan ta Tisa LaSorte, kende ta CEO di AHATA.  El a bisa cu e cuminda presenta na e Examen di Buffet aki, tabata increibel.

   Un di e studiantenan cu a cushina (un cabrito stoba inolvidabel, por ehemplo) ta Dylan Cardona, kende ademas ta miembro di Aruba Culinary Team.

   Segun LaSorte, e diescuatro studiantenan cu a participa den e examen, tabata yen di energia, a traha duro y a demostra nan talento.

   Na final di e anochi, AHATA a obsekia tur diescuatro studiante un regalo, y a patrocina tambe nan uniform pa e examen.