Preparando cu hopi energia caba pa Eleccionnan di Reina di Carnaval

ORANJESTAD (AAN): Diahuebs siman pasa, e comision special di Fundacion SMAC cu ta organizando Carnaval,

a tene un reunion special pa e eventonan di Eleccion di Reina cu ta planea pa luna di Januari 2026.

   Den e reunion aki, e Comision a reuni cu candidatanan, mayor y tambe preparador di Reina pa contesta pregunta, pasa riba reglamento y comparti e ultimo updates pa cu Carnaval 72.

   Di awor caba por sinti cu e Eleccion di Reina pa e Carnaval venidero lo bay ta hopi atractivo, pues ta vale la pena pa bay mira esaki en vivo y goza cu e emocion y sensacion cu cada eleccion ta trece.

   Eleccion di Reina Hubenil y Reina Adulto lo bay ta Diasabra 10 di Januari 2026 (aki 33 dia).  E siguiente dia, esta Diadomingo 11 di Januari 2026, lo bay tin Eleccion di Reina Infantil y Reina Grandi (aki 34 dia).