Prome Minister Mike Eman ta felicita cinco marinier di ARUMIL cu huramenta

ORANJESTAD (AAN): Cinco mariniernan di ARUMIL a huramenta durante un ceremonia cu a tuma luga na Marinierskazerne Savaneta.

Durante e ceremonia tambe a tuma luga diferente promocion, reconociendo e desaroyo profesional di varios otro miembro di ARUMIL. Durante e ceremonia a combersa cu Capitan Lourenço Teixeira, comandante interino di ARUMIL, cu a splica cu e ceremonia tabata principalmente pa e cinco mariniernan cu a completa cu exito e mariniersopleiding. “Cinco marinier di ARUMIL a pasa cu exito e mariniersopleiding y awe nan a haci e eed of belofte. Ademas di esey, cuater marinier a ricibi promocion for di marinier di segunda clase pa prome clase.

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Tambe tin dos marinier cu a wordo promovi pa corporal den e grupo di siguridad di Marinierskazerne Savaneta,” segun Capitan Lourenço Teixeira. Entre e invitadonan special presente tabata Gobernador di Aruba S.E. Alfonso Boekhoudt, Prome Minister Mike Eman, Comandante di Zeestrijdkrachten den Caribe, Walter Hansen, y e famianan di e militarnan cu a participa den e ceremonia. Capitan Lourenço Teixeira a indica cu e ultimo grupo di ARUMIL tambe ta marca un momento historico, paso pa prome biaha e unidad ta conta cu dos militar femenino. “Esey ta un paso importante pa ARUMIL. Pa prome biaha nos tin militar femenino den nos unidad,” el a señala.

Reclutamento ta sigui

ARUMIL ta sigui trahando activamente pa fortalece su organisacion. Segun Capitan Lourenço Teixeira, e campaña di reclutamento mas intensivo di e ultimo periodonan a trece resultado positivo. “Nos a intensifica nos reclutamento, tambe den comunidad. Awor nos tin un grupo cu lo cuminsa mariniersopleiding dia 30 di augustus, cu parcialmente lo tuma luga na Corsou.” Despues di zomervakantie, ARUMIL lo lansa un plan nobo pa recluta mas hoben. Durante luna di augustus lo habri e siguiente vacatura pa mariniers y cu esey lo cuminsa e proceso di seleccion pa un siguiente grupo di candidato.