Aruba Bank ta patrocina distribucion di e buki "Max y e Taki Encanta" na scolnan primario

Skirbi pa autor local Tanchi Esme

ORANJESTAD (AAN):  Aruba Bank, cu hopi orguyo, a colabora cu autora local Tanchi Esme door di patrocina e compra di copianan di su buki pa mucha, Max y e Taki Encanta, cu e meta di stimula e lesamento bou di muchanan na Aruba.

Recientemente representantenan di Aruba Bank hunto cu Tanchi Esme a bishita Colegio Laura Wernet-Paskel, unda nan a reparti e bukinan na e muchanan. E iniciativa a continua na Colegio Felipe B. Tromp, unda nan tambe a entrega copianan personalmente y comparti e alegria cu lesa cu e studiantenan.

Cu e iniciativa aki, Aruba Bank ta reafirma su compromiso cu educacion y desaroyo di nos comunidad.

Aruba Bank ta gradici Tanchi Esme, Colegio Laura Wernet-Paskel y Colegio Felipe B. Tromp pa nan colaboracion y apoyo den haci e iniciativa balioso aki posibel.