Prome grupo di 58 studiante a biaha pa Hulanda pa sigui cu nan estudio avansa

ORANJESTAD (AAN):  Diadomingo atardi na aeropuerto famia y amigonan a despedi d e prome grupo di studiante di Aruba cu ta bay sigui su estudio na Hulanda.

            E studiantenan cu ta bay biba na Amsterdam, Arnhem, Den Bosch, Dronten, Enschede, Maastricht, Sittard, Nijmegen, Rotterdam, Tilburg, Utrecht, Wageningen y Zwolle a sali diadomingo 4 di augustus 2024 pa 7.15 di anochi riba e vuelo KL 767 di KLM rumbo pa Amsterdam, Hulanda.

            En total tin 58 studiante riba e vuelo aki, asina Departamento di Enseñansa a duna di conoce.

            Awe dialuna lo sali e di dos grupo y ta e studiantenan cu ta bay biba na Breda, Delft, Den Haag, Eindhoven, Gouda, Groningen, Leeuwarden y Leiden. Nan ta sali rumbo pa Hulanda pa 7.15 di anochi riba vuelo KL 765 di KLM. En total tin 60 studiante riba e vuelo aki.

            DIARIO ta desea tur studiante masha exito cu nan estudio!