Peuternan di Poerenchi Speelschool awor a ‘gradua’

ORANJETSAD (AAN): Diabierna anochi trempan a tuma lugar na Paradera 85,

un ceremonia special ora cu e peuternan di Poerenchi Opvang a ricibi nan certificado den presencia di mayornan orguyoso, awor cu nan a ‘gradua’ di nan Speelschool.

   E Peuternan aki awor ta rumbo pa Scol Preparatorio.  Presidente di e Fundacion a yama tur mayor bon bini, y a gradici e hecho cu mayornan a deposita nan confianza den Poeroenchi pa yuda den parti di educacion di e mucha.

   Nan a haci nan best pa na un forma yen di amor, a sa di duna e muchanan e guia necesario pa asina nan ta bon prepara pa ora di bay Kleuterschool awor.  El a gradici tur Leidster cu a traha incansablemente cu e muchanan, y cu nan a prepara un fabuloso fiesta e atardi ey.

   E Hefe di Leidsternan, juffrouw Jacky tambe a hiba palabra y el a mustra cu nan a haci nan trabao cu placer, y e aña aki tabatin un grupo grandi di peuter bao di nan encargo.