Na un forma special WCA a honra e mihor graduadonan di 2021

ORANJESTAD (AAN)- Women’s Club of Aruba (WCA) a bin ta honra e miho graduadonan di tur tipo di scol secundario pa hopi aña caba durante luna di juli .

E aña aki, riba diasabra 10 di juli 2021, e ceremonia a tuma luga na Aruba Surfside Marina, estilo “walk through” ,teniendo en consideracion e distanciamiento social.

E mihor graduadonan a ser invita den tres grupo, y musica tabata na encargo di DJ Rafa. Tabata sra. Norma Brinkenberg, Presidente di Women’s Club of Aruba, huntu cu Sr. Paul DeWolfe, General Managing Director di Caribbean Mercantile Bank, kende durante e evento a haci entrega di plakaat y otro premionan na e miho graduadonan di pais Aruba.

Presente pa e ocasion aki tabata minister di Enseñansa dr. Rudy Lampe y otro invitadonan especial.

            Esnan cu a ricibi honor tabata: MAVO 7 vak: Justin Bremo ; MAVO 6 vak: Richella Petronia, Niveau Doorstroom (Oranjestad): Jerrel Erasmus, Niveau Uitstroom (San Nicolas): Jordwayne Orcadio, Niveau Arbeidsmarkt (Oranjestad): Natalie de la Rosa Gonzalez, Avond MAVO Aruba (SAA): Shomara Anastacia. Pa Colegio EPI tin 5graduado . Den Unit Ciencia y Tecnologia (Bouwkunde): Victor Fingal , den Unit Economia (Financiële Administratie): Stepahnie Boekhoudt, den Unit Hospitalidad y Turismo  (AS): Juan Fernandez Rudas, den Unit Hospitalidad y Turismo  (AAS):Nyree Riera , den Unit Salubridad y Servicio: Alejandra Kransen.

            E mihor graduado den SPO ta Rood- Kenley Emilcent (SPO Sta Cruz), di Avond HAVO (SAA) André Maduro , di International School of Aruba (ISA) Kirti Nathani.

E mihor graduado di VWO ta Nicolle Vigil Muñoz, di HAVO ta Mendy Liang y di e Politie Opleidingsinstituut ta Maurice Violenes.

            Durante e anochi, Sra. Eliana Marcela Arguello, mihor graduada di EPI Hospitalidad y Turismo  di aña 2008, a duna un testimonio di su experiencianan y un mensahe positivo pa nos mihor graduadonan.

            WCA ta gradici e directiva di tur scol secundario pa a facilita nos di WCA cu tur informacion necesario y tur mayor of familiar pa a apoya nan yiu.  

Nan ta hopi gradici tambe na tur e comerciantenan y instancianan, cu a coopera pa hasi e evento aki posible y pa duna cada graduado un regalo hunto cu su award.

            Gradicimento ta bay na tur miembro cu a yuda, principalmente na e Comision di Student Awards consistiendo di Greta Williams, Emperatriz Perdomo, Saida Aguilar, Bernadette Schouten, Rita Grant, Astrid Berlinsky, Reina Geerman, Mary Droogh, Angèle Geerman, Dulcie Goedgedrag, Ursly Silberie (MC), Marjorie Dijkhoff), Marva Solagnier y Milagros Posner. E comisión aki a duna tur di nan parti, pa haci e evento aki bira asina special pa e miho graduadonan di nos pais.

            Por ultimo, WCA a felicita e miho graduadonan, kendenan a completa nan estudio cu excelencia durante e temporada dificil di COVID-19!

Fotonan pa cortesia di Emperatriz Perdomo