ORANJESTAD (AAN): Director di ImSan, Dr. Joel Rajnherc a reuni diabierna cu Formador di Gobierno Evelyn Wever-Croes.
El a expresa cu ta un honor pe cu pa prome biaha den historia di ImSan, nan a wordo invita durante formacion di gobernacion pa duna nan opinion. "Esaki ta algo cu nunca a pasa te aworaki".
E crecimento cu ImSan a haci den e ultimo 10 añanan a wordo reconoci door di e Formador y otro politiconan cu tin cu bay forma e gobierno nobo.
Dr. Rajnherc a manifesta cu nan ta hopi agradecido cu nan por a expresa nan posicion. Nan ta kere cu ImSan ta tumando den henter e proceso di duna cuido na publico en general den salubridad publico.
El a agrega cu nan a splica di unda nan a sali y unda ImSan ta awe y kico nan vision ta pa futuro.
"Mi no por bay divulga tur e detayenan, pero cu ta importante cu ImSan keda na San Nicolas y zorg cu nos tin cuido basico na San Nicolas pariba di brug, pa duna ongeveer 40 percent di nos poblacion mihor acceso na cuido medico ta algo cu nos kier trece dilanti un biaha mas akinan na e gobernacion nobo", a indica.
Segun Rajnherc, Formador tabata tin hopi comprondimento di e materia y di e dificultadnan cu ta pasando den dje den cuido secundario na e hospitalnan di Aruba.
