Ministro a bay pa celebracion special di Dia Internacional di Aviacion Civil

A honra dos hubilario tambe

ORANJESTAD (AAN): Relaciona cu observacion di Dia Internacional di Aviacion Civil, e siman aki Ministro Ursell Arends a bishita Departamento di Aviacion Civil pa celebra hunto cu e departamento, honra hubilarionan y tambe conmemora 100 aña di aviacion na riba e isla.

   Un testamento di esnan den mundo di aviacion nan compromiso y dedicacion na e desaroyo continuo di e industria di aviacion na Aruba.

   Ministro Arends a indica cu e ta di opinion, cu esaki ta un aña di celebracion conhuntamente cu e funcionarionan di Directie Luchtvaart, y duna importancia na e funcionamento y e pasion di esnan trahando eynan, cu ta bay combina cu e dedicacion pa e trabao, y sigura cu Aruba ta keda cumpli cu e standardnan mas halto di seguridad riba nivel di aviacion civil.

   Na e ocasion aki, Ministro a honra dos hubilario special na Directie Luchtvaart, esta Alvaira Croes kende a celebra 35 aña di dedicacion y trahando cu pasion pa Gobierno. Tambe a honra celebra Chantalle Schwengle-Pas cu a celebra 25 aniversario trahando tambe pa Gobierno.

   Palabra di pabien y gradicimento pa tur esnan encarga cu e trabao cu tin tras di cortina cu ta haci cada “departure” y “arrival” posibel na Aruba. Danki special na e team di Directie Luchtvaart, ANSA y di Meteo