Informando Mon Plaisir College HAVO riba e proyecto pa esnan cu ta bay studia den exterior

ORANJESTAD (AAN): Diahuebs mainta, Minister di Enseñansa  Endy Croes a bishita Mon Plaisir College Havo pa e proyecto Mi Bida, Mi Responsabilidad.

   Den e luna di november di aña 2023, Fundacion Plan di Bida conhuntamente cu Minister di Enseñansa Endy Croes a inicia cu e proyecto aki, cual ta enfoca riba e studiantenan cu ta bay continua nan estudio den exterior.

   E meta di Fundacion Plan di Bida ta pa trece conscientisacion den comunidad di Aruba, ofrece ayudo y guia riba maneho di finanzas. Durante e presentacion, e studiantenan di havo 5 a haya informacion tocante maneho di presupuesto. Un mal maneho di presupuesto por trece diferente consecuencia, entre otro, problema financiero, problema den comportacion y problema psicologico.

   Finalmente, Minister Endy Croes ta indica cu e ta contento di e trabao cu Fundacion Plan di Bida ta haciendo na e scolnan pa brinda informacion valioso na nos hobennan cu ta bay continua nan estudio den exterior