Michael celebrando 35 aña den servicio di Do It Center Aruba

ORANJESTAD (AAN): E ta sin duda un di e caranan mas conoci ora bo ta bishita e empresa aki. 

Recien señor Michael Raphaela a recorda e hecho, cu 35 aña pasa el a drenta den servicio di e compania cu awor ta opera Do It Center Aruba.

   Special pa esaki, gerencia a ofrece un cena na El Gaucho, pa asina rindi homenahe na e trahador aki cu semper a demostra pasion y perseverancia den su labor.  El a sa di carga e compania door di tur reto cu a presenta, y tabata sigui traha fuerte pa logra excelencia y sigui bay dilanti.

   For di man di Sr. Ponson, el a ricibi e acostumbrado envelop y monton di pabien di tur colega y famianan.  Sigur un hubilario hopi stima.