Investigacion a keda cla encuanto milagro di José Gregorio Hernández cu lo por logra su canonizacion

Hopi oracion pa e ‘Docter di Pobernan’ por wordo eleva como Santo

MIAMI: Riba Diasabra a bin haya sa, cu e fase di investigacion di e Tribunal Eclesiastico di Arquidiocesis di Miami riba e milagro di Dr. José Gregorio Hernández den e region ey a finaliza.

   Te asina leu no ta conoci cual ta e caso cu a nifica e milagro, pero esaki por ta valido pa su definitivo canonizacion, y pesey su colaboradornan y esnan fiel na e causa ta sigui pidi pa haci oracion pa asina e “Docter di e Pobernan” por wordo eleva como Santo.

   Segun e Arzobispo di Miami, Thomas Wenski, e expertonan lo admiti un resultado riba un curamento milagroso, eynan na Miami via e intercesion di José Gregorio Hernández, segun e corant El Universal a indica.

   Den e contexto ey, e “acto” cu e resultadonan di investigacion lo wordo manda dentro di poco pa Vaticano, pa asina por verifica e milagro di e docter Venezolano, y si e interseccion di e Beato José Gregorio Hernández wordo balora pa e Sede Santo, e “causa pa canonizacion lo por sigui su curso,” e Arzobispo a laga sa.

   Pues interesante pa sigui e desaroyo aki di proximo siman- y lunanan for di Vaticano relaciona cu Dr. José Gregorio Hernández.