ORANJESTAD (AAN): Diadomingo 10 di December a tuma momento pa refleha riba e importancia di e derechonan humano, mientras a conmemora Dia Internacional di Derechonan Humano.
E dia aki ta marca pa promove y reconoce e dignidad y derechonan di tur ser humano, sin importa nan rasa, color di piel, religion of origen.
A celebra e di 75 aniversario di e Declaracion Internacional di Derechonan Humano cual a wordo realisa dia 10 di December 1948. E declaracion aki ta forma e base pa un mundo unda tur ser humano tin derechonan fundamental cu mester wordo respeta y proteha.
Un di e mensahenan mas fuerte cu a ser destaca durante e conmemoracion di e dia aki ta e importancia di igualdad y husticia. Nos comunidad, sin importa con diverso nos ta, mester ta conciente di e derechonan di tur hende y traha hunto pa cumpli cu nan.
E conmemoracion a hiba na refleha tocante e avance cu nos a logra, pero tambe e retonan cu ainda mester wordo enfrenta. Esaki ta inclui e compromiso pa combati cualkier forma di discriminacion y promove un ambiente caminda tur hende por prospera.
Durante e dia aki, varios organizacion di derechonan humano a destaca e importancia di educacion y conhuntamente pa crea un comunidad unda tur hende por biba liber y respeta nan derechonan.
E conmemoracion di e dia aki no mester ta un acto isola, sino mas tanto un compromiso constante di tur hende pa defende y proteha e derechonan humano. Pa crece como comunidad, mester reconoce e importancia di cada hende den e colectividad, luchando pa un mundo caminda tur hende por biba den dignidad y respet.
