Hulanda lo intensifica colaboracion cu Aruba y Sint Maarten riba tereno di energia renobabel

Lo pone 100 miyon Euro disponibel pa proyectonan di crecemento y desaroyo

ORANJESTAD (AAN): Hulanda ta bay reforsa e cooperacion cu Aruba y Sint Maarten ribs tereno di energia renovabel. Asina e paisnan a acorda Diaranzon durante e prome Caribbean Climate and Energy Conference (CCEC), cu a tumando luga di 10 to cu 12 di Mei na Aruba.

Un grupo amplio di organisacion, isla y Pais di tanto Caribe como di otro parti tabata presente na CCEC.

            Cu e conferencia aki Hulanda y Aruba kier promove cooperacion pa loke ta trata accion di clima entre islanan chikito rond mundo. Ehempelnan di temanan cu ta ser discuti ta un transicion di energia inclusivo y financiamento di tur e plannan. Hulanda despues di e conferencia a firma un asina yama Memorandum of Understanding (MoU) cu tanto St. Maarten como Aruba.

            E cooperacion ta enfoca riba diferente tecnologia di energia renovable, manera energia di biento, hidrogeno berde, energia solar y almacenamento di energia. Den e acuerdo a had palabracionnan tocante intercambio di personal y conocemento cientifico y tecnologico y organisacion di por ehempel gruponan di trabao y proyectonan di investigacion conhuntamente.

            Minister pa Clima y Energia Rob Jetten a bisa: "E islanan ya caba ta den e prome liña di cambio di clima. Si nos no actua e consecuencianan ta bira mas grandi y kizas te hasta irevocable. P'esey gabinete kier sigura cu islanan manera Aruba y Sint Maarten no to keda atras den e transicion. Esey tambe ta husticia di clima pa mi."

             Prome minister di Aruba, Evelyn Wever-Croes a declara: "Aruba ta recuperando for di e pandemic di Covid-19 cu un economic mas fuerte y resiliente. Den cuadro di esaki energia lo bira un pilar economico importante. Tin hopi oportunidad pa Aruba mes, pero tambe oportunidadnan como pais hunto den Reino. E MoU cu a firma ta un paso importante den e direccion ey, paso si kier pa bin cambio berdadero, hunto mester haci e esfuersonan."

            Prome minister di St. Maarten, Silveria Jacobs tambe a bisa: "Si mi discusionnan anterior y mi trabou di lobby a results den algun idea, ta cu ta di gran importancia pa Sint Maarten ta part di e combersacionnan cu ta trata energia berde y desaroyo sostenible pa nos isla. Cu e firmamento di e MoU ski nos ta cla pa hasi gran pasonan pa sostenibilidad y e tan spera transicion di energia cu Sint Maarten tin den mente."

            Net prome cu firma e MoU, Prome Minister Evelyn Wever Croes a bisa:

“Nos den Reino a dicidi cu nos ta bay cana e caminda dilanti hunto y nos ta bay asisti otro, pa nos logra haya energia limpi pa nos paisnan”.

            E MoU ta uno unda cu Hulanda lo asisti Aruba cu experticio, conocimento y asistencia, pa asina nos por fiha e ‘roadmap’ pa nos yega na energia limpi, energia renovabel y principalmente logra e bienestar y progreso di cada ciudadano di nos pais.