Hubilaria Mireya a wordo honra na Super Do It Center

ORANJESTAD (AAN): Un ceremonia special a tuma lugar recien na Super Do It Center, ora cu gerencia a honra un hubilaria special.

   Ta trata aki di Mireya Geerman, kende a corda e hecho cu 10 aña pasa el a drenta den servicio di e compania.  Gerencia a keda hopi agradecido pa e viahe di diez aña aki cu a refleha lealtad, trabao duro, y pasion pa sirbi e compania y clientenan.

   Pa e motibo aki, gerencia a presenta Mireya cu e acostumbrado envelop, tambe un plaquette y certificado.  El a ricibi monton di felicitacion di coleganan, kendenan tur kier a saca potret cu Mireya.  Nan tur a desea Mireya hopi mas aña cu e compania y su forma ehemplar di trata tur hende.