Exitoso charla encuanto Diabetes na alumnonan di Dominicus College

ORANJESTAD (AAN): Durante luna dedica na concientizacion encuanto diabetes, e organizacion Aruba One Happy Island Lions Club,

den colaboracion cu POH (Praktijkondersteuners Huisartsenzorg) a brinda un charla educativo y interactivo na St. Dominicus College.

  Un grupo grandi di studiante di e scol basico a participa y a pone bon atencion durante tur e presentacion. E charla tabata orienta pa duna conocemento basico riba diabetes, splica e diferencia entre diabetes tipo 1 y tipo 2, enfatiza importancia di come saludabel, bebe awa y move mas, Motiva muchanan pa tuma decision saludabel pa preveni diabetes tipo 2.

   Un di e parti mas divertido tabata e wega educativo Kahoot, caminda e muchanan a hunga cu entusiasmo riba preguntanan relaciona cu diabetese y estilo di bida saludabel. Nan a mustra gran conocemento y curiosidad riba e tema.  Na final, e alumnonan a ricibi un appel cu e mensahe: “Bo mes tin cu cuida bo curpa! Come fruta, bebe awa, move bo curpa”.

   E muchanan tambe a haya un foyeto cu informacion importante.   E organizacion ta manda gradecimento special na POH, pa e explicacion claro, amigabel y adapta na studiante, na St. Dominicus College, pa nan cooperacion, na Aruba Hilton Resort, RIU Palace Hotel, pa nan apoyo, Departamento di BID, pa nan contribucion.

   Aruba One Happy Island Lions Club ta sigui compromete cu educacion y conscientizacion den nos comunidad. Nos ta kere cu invertir den nos hubentud ta forma e base pa un futuro mas saludabel.

Hunto nos ta crea conocemento. Hunto nos ta preveni. Hunto nos ta sirbi.