Hopi hende a bay despedi di Gio Heronimo

ORANJESTAD (AAN): Diabierna mainta a tuma lugar e entiero di Giomar Heronimo,

kende a fayece den un caso unda el a bira malo riba motorcycle, y a fayece inesperadamente riba caminda.

   E despedida a tuma lugar na Aurora Funeral Home, y ta un cantidad di Bikers a acompaña e gran personahe di deporte di motor pa su ultimo lugar.

   Dado momento tabatin asina hopi hende, cu e horario a wordo extendi.  Nan a extende e funeral debi na cantidad enorme di esnan cu a bay despedi.  Famianan tabata inconsolabel, y por a mira hopi personahe di deporte di motor presente.  Nan deseo ta pa Gio descansa na Paz.