Guardian Group Fatum ta orguyoso sponsor di Aruba su Carnaval 70

Honrando herencia cultural

ORANJESTAD (AAN): E fiesta cultural mas gandi di Aruba, carnaval, ta celebra 70 aña di existencia y e compania di seguro di mas renombra den Caribe, Guardian Group Fatum, ta orguyoso di ta un di e sponsornan principal di e magno evento aki. Esaki den colaboracion cu Stichting Maneho di Aruba su Carnaval (SMAC). Adicionalmente, reforsando nan compromiso cu e herencia cultural vibrante di Aruba, Guardian Group Fatum ta contento pa sostene e evento nan di Caiso & Soca Monarch organisa pa Stichting Musica.

            E temporada di carnaval a inaugura diasabra, 11 di november 2023 y e actividad nan lo cuminsa cu e Parada di Fakkel dia 6 di januari 2024. Guardian Group Fatum ta reconoce e importancia cultural y social inmenso di carnaval di Aruba y ta orguyoso di contribui na e exito di e gran celebracion aki.

            E colaboracion cu SMAC y Stichting Musica ta subraya e compania su dedicacion pa sostene comunidad y conserva e tradicion nan cu ta defini Aruba.

            Carnaval ta un plataforma pa union, alegria, y orguyo y cu e sponsorship aki Guardian Group Fatum ta honra pa contribui na e experencia total di e celebracion di 70 aña.

            "Nos ta kere firmemente den e herencia cultural di Aruba pues Guardian Group Fatum ta entusiasma pa forma parti integral di e celebracion di Carnaval 70. Nos colaboracion cu SMAC y Stichting Musica ta refleha nos dedicacion profundo na e comunidad Arubano, y nos ta ansioso pa contribui na e alegria y actividad nan cu ta defini e evento cultural impresionante aki," di acuerdo cu sra. Barbara Pochettino y sr. Olivier van de Gevel, managing directors di e compania di seguro.

            Guardian Group Fatum ta invita comunidad di Aruba completo pa join y celebra e fiesta grandi aki. Un temporada yena di musica, color, y alegria. Hunto laga nos crea recuerdonan bunita di Carnaval di Aruba cu lo keda pa añanan largo.