Fundacion Facilidadnan Deportivo a celebra 25 aña di servicio di Luz Marina Narvaez.

ORANJESTAD (AAN): E famia di Fundacion Facilidadnan Deportivo a yega hunto na Stadion Guillermo Prospero Trinidad, pa asina celebra aniversario di trabao di Luz Marina Narvaez.

   Luz a drenta servicio na Fundacion Lotto pa Deporte dia 1 di Januari 1998 y na April 2012 a drenta servicio na FFD como werkster, pues un total di 25 aña sirbiendo nos fundacion.

   Durante e ceremonia, Alonso Tromp, presidente di FFD, a gradici Luz pa su lealtad y compromiso durante 25 aña. Tambe, Geraldine Croes y Eugene Helder kende nan a traha hopi cerca di Luz, tabata tin palabranan di elogio pa e amor cu e tin na nos fundacion.

   Den presencia di miembronan di directiva y demas coleganan, a brinda pa Luz Marina su aporte y dedicacion na Fundacion Facilidadnan Deportivo.

   Por ultimo, den nomber di directiva y tur empleado di FFD, ta desea Luz masha pabien y cu e sigui cu e trabao cu el a bin ta haciendo durante tur e añanan te cu dia di awe.