Fiesta sorpresa pa celebra e logro di Alexia Chin na certamen na Costa Rica

ORANJESTAD (AAN): Diasabra anochi na The View Rooftop Restaurant & Bar, a tuma lugar un celebracion di sorpresa pa Alexia Chin,

e dama hoben di 20 aña di edad kende recien a wordo corona como Miss Internacional de los Mares y del Turismo na Costa Rica.

   E celebracion aki a wordo prepara pa e organizadornan di e certamen local di Miss Youth Aruba, pa asina gradici esnan cu a duna un man pa haci e viahe y e exito di Alexia bira un realidad na Costa Rica.  Ademas anteriormente no por a organiza esaki debi na e protocolnan cu tabata na vigor.

   El a yega eynan sin sa cu tabatin un evento full prepara pe.  El a bin topa cu su mayornan, demas famia, amiganan candidata di Miss Youth, prensa, y tambe Prome Ministro Evelyn Wever-Croes.

   Despues cu tur hende a sorprende Alexia, el a pasa saluda tur hende cu a felicite pa e logro.  Prome Ministro tambe a papia cune, y a bise algun detaye cu e ora a pone tur hende realiza cu e prome dama di e pais tambe a mira e certamen en vivo for di Costa Rica, y tabata sigui e pasonan di e candidata di Aruba.

   Sigur un anochi agradable di combersacion y sacamento di potret na gran cantidad.