Vacunathon 4 a worde bon bishita ORANJESTAD (AAN): Siman pasa minister Dangui Oduber conhuntamente cu DVG, SVb y AZV a anuncia e vacuntahon 4 cu lo mester tuma lugar 11 y 12 september.
E vacunathon aki tabata hopi importante considerando e e situacion actual di Covid-19 nan Aruba cu e variante Delta y tambe e demanda cu tin pa vacuna na Aruba.
E situacion actual na Aruba ta un tiki mas mihor. E cantidad di casonan ta bahando y hospitalisacion tambe. Tin un gran cantidad di patient cu Covid ta worde manda Colombia y esaki ta pone hopi presion riba gastonan di AZV.
Gobierno a haci un yamada na communidad di Aruba pa bay masalmente vacuna y nos ta hopi contento y agardecido cu un biaha Aruba a responde na e yamada pa bay vacuna. For di mainta trempan nos a nota e entusiasmo den nos hendenan pa vacuna y e dia tabata uno hopi fructifero y exitoso.
E instancianan a pone como meta pa nos por vacuna entre 800-1000 persona e weekend aki pa e promer shot y nos a logra 835 nan promer shot. Un total di 1.851 a haya nan di dos shot. Despues di e weekend aki e grado di vacunacion a yega casi 75% pa esnan riba 12 aña cu ta algo excepcional
Cifranan exacto: Pa e Vacunathon 4.0 riba Diasabra 11 y diadomingo 12 di september final count:
Total persona vacuna: 2.686 persona.
Como minister di salud mi kier a gradici di curason un biaha mas cada un persona. Cu a bay vacuna, ministerio di turismo, salud publico y deporte, henter e team di vacuna di DVG, tur e voluntarionan di SVb/AZV, ATA, Ahata y sigur un danki special na Ritz Carlton pa pone nan ballroom disponibel un biaha mas pa logra un otro vacunathon super exitoso.
Minister Oduber kier a gradici SVb, AZV, Rotary, WGK, POH, VP voluntarionan, Imsan, HIAS, Roteract, EMT, DVG, MinTVS, AruBus, Ritz Carlton, crisis team, KPA y ARX security pa tur nan cooperacion. Un gradicimiento special na tur e 95 voluntarionan pa haci e vacunathon exitoso atrobe.
Ban sigui cuida, ban sigui laba nos mannan frequentemente, ban sigui mantene distanciamento social, ban sigui bisti masks y ban tur hunto den union sali for di e crisis aki. Mi ta convenci cu hunto den union nos lo vence.
