FARPA ta organisa evento pa duna relato di nan participacion na e Congreso di IDEA

Den cuadro di Dia Mundial di teatro

ORANJESTAD (AAN):  Departamento di Cultura a duna di conoce cu den cuadro di Dia Mundial di teatro FARPA ta organisa un evento caminda nan ta bay duna relato di nan participacion na e Congreso di IDEA, International Drama/Theatre Education Association na Beijing 2024, danki na sosten di Cultuurfonds Caribisch gebied y CEDE ARUBA.

            Nan lo presenta e puntonan mas importante cu nan a siña for di e tremendo experiencia aki.

E charlanan lo tuma luga: Diaranson dia 26 di maart y dia 2 di april 2025 na Cas di Cultura di 4'or pa 6:30 pm.

Ademas nan lo duna un resumen di dos workshop cu mas a sobresali.

            E personanan cu a representa Aruba na e Congreso aki ta Madeleine Kelly, Joan Danies y Amy Lasten.

 Intencion ta pa duna un empuhe importante na desaroyo di nos teatro na Aruba.