ORANJESTAD (AAN): E informe a drenta, cu e turista kende semper tabata encanta bin pasa vakantie na Aruba,
esta e dama Mira Millin, a fayece siman pasa na estado di Delaware na Merca cu edad di 86 aña.
E ta viuda di Crest Millin Jr., cu kende el a haci numeroso bishita na Aruba. El a bay laga atras su yiu muhe Tina.
Mira a nace na Yugoslavia (cu awor ta Croacia). Su hubentud el a crece den cunucu ta cosecha druif y olijfi, y tambe piscamento cu su tata. Cu edad di 18 aña el a bay biba na Belgica, unda el a traha pa un tanta y omo den restaurant. Cu edad di 23 aña el a emigra pa Merca y a traha como un specialista di beyeza na New York, unda el a conoce Crest y a casa na 1964. Despues nan a bay biba na Ocean City na Delaware. Na 1973 el a obtene nacionalidad Mericano.
Su lugar faborito di pasa vakantie tabata Aruba. E tabata gusta e tempo caluroso, e matanan di palma, y e bida nocturno.
Su restonan mortal a wordo dera na santana na Dagsboro, na estado di Delaware.
