Deterioro di e luznan na ex Marlboro Ballpark cu ta casi cay full

ORANJESTAD (AAN): E situacion di e palonan di luz di ex Marlboro Ballpark na Dakota ta den masha mal estado.

  Varios di nan a perde nan housing di lampi, cu a cay.  Y aworaki tin varios di nan ainda colga na djis un kabel fini, y otro palonan tin full un reki di luz cu ta colga na forma peligroso, y un rato of otro por bin abao.

   Y e lampinan aki ta basta pisa!  Den pasado, e luznan di 1500 watt di metal halide, tabata pisa entre 24 pa 27 kilo.   Awor si acaso tin luznan LED di e tipo LED Stadium Pro Light, esey ta pisa solamente 16 kilo.

   Toch algo di asina pisa bin cay riba un hende eybao, por ta algo desastrozo.  Full e structura di e reki di luznan ta frustia, y biento ta keda supla e boltnan cu ta want e cada housing y ta debilita esaki.

   Algun di e palonan por a nota cu nan a hasta perde algun reki di luz caba cu lo a bin abao.

   E biaha aki, uno di na tin un housing colga na djis un pida kabel.  Y e palo di luz aki ta situa net na e rand di stadion, hopi cerca di e caminda di santo cu ta pasa di Dakota bay pa edificio di Ministerio Publico, edificio di AZV, y edificio di DIMP.