ORANJESTAD (AAN): Casi el a logra saca tur number di Mini Mega. Pero e biaha aki, Edmundo a keda contento cu toch el a cay den premio, y a ricibi e di dos premio di sorteo recien di Mini Mega.
Tabata Diahuebs cu Edmundo a presenta na oficina di Lotto na Playa pa asina reclama su premio. Despues cu e trahadornan di Lotto a revisa su ticket cu el a pone su firma y e numbernan di su banco parti patras, a scan e barcode den computer. E machine mesora a confirma cu Edmundo a gana e di dos premio, cu tin balor e biaha aki di 10.392 Florin.
Mesora a cuminza cu e proceso pa transferi e premio electronicamente pa su cuenta di banco. Edmundo a mustra cu e ticket ganador mes el a cumpra na Bloemond Lottery.
