Celebracion di 178 Aniversario di Independencia di Republica Dominicana

ORANJESTAD (AAN) – Recientemente, riba Plaza Juan Pablo Duarte, e comunidad Dominicana di Aruba, a celebra e di 178 aniversario di e independencia di nan pais,

encabeza pa nan representante, señor Pedro Ventura, Consul General di Republica Dominicano na Aruba.

Señor Ventura a hiba palabra, y a expresa cu ta poco dia pasa gobierno a kita e restriccionnan di Covid-19, y pesey e celebracion di e fecha di independencia no a wordo haci oficial.

No obstante, el a expresa un saludonan cordial pa Gobernador di Aruba, Prome Minister y Cuerpo Consular, sperando cu ya pa otro aña e pandemia lo a disparce por completo, y lo por realiza un evento na grandi, manera e Dominicanonan, cu ta asina alegre, sa celebra.

Consul Ventura a comenta tocante e bandera di Republica Dominicana, cu ta e unico cu meymey tin e escudo, cual den e centro tin un Bijbel, y pesey su pueblo ta bendiciona pa Dios, y e manera con nan a hacie ta extraordinario pasobra nan a pensa riba nos Señor Jesus Cristo. (Dios, Patria, Libertad ta palabranan cu por lesa riba e escudo).

Ventura a menciona cu durante e aña cu e y su personal ta eherciendo nan funcion hopi cos a cambia den e Consulado. E pasportnan ta yegando mas trempan, nan ta acercando mas na e comunidad Dominicana, y danki Dios nan ta tratando di haci un bon trabao, pa e Dominicanonan ta sinti nan mes orguyoso y bon representa. El a expresa cu como Dominicano representante di su pais, semper e lo ta na alcance di tur Dominicano na Aruba.