Mas cu un miyon especie ta na peliger di extincion den mundo di awe

Diahuebs tabata Dia Mundial di Bida Salvahe

ORANJESTAD (AAN): Fundacion Parke Nacional Arikok a duna di conoce cu riba dia 3 di maart a celebra World Wildlife Day (WWD) pa conscientisacion tocante flora y fauna salvahe na mundo.

            E tema di WWD 2022 ta pa dedica atencion na e estado di algun especie di flora y fauna cu ta criticamente na peliger di extincion, y pa stimula discusion pa imagina y implementa solucionnan pa conserva nan.

            Ta sugeri cu mas cu un miyon especie ta na peliger di extincion den mundo di awe. Perdida continuo di especie, habitat y ecosistema tambe ta menasa tur bida na mundo, incluso e ser humano. Tur persona ta depende di bida salvahe y recurso a base di biodiversidad pa nos necesidadnan, di alimento, pa fuel, remedi, cas y paña.

            Miyones di persona tambe ta depende riba naturalesa pa nan bida, entrada y oportunidadnan economico. 

Potretnan: Prikichi / Armando Goedgedrag;  Calco/ Mark Vermeij; Caret/Rudy van Geldere; Pal’i sia cora /Giancarlo Nunes